【Day 53】
兜兜轉轉又番到科索沃。雖然過程比較麻煩，原因就免提啦，但巴爾幹入面，暫時我最喜歡既國家其實係科索沃，所以去多轉都無所謂。
好多人以為科索沃好危險，周不時聽到新聞話有衝突。係有既，但只局限於邊境範圍。而我去既城市Prizen係絕對安全。
點解會咁喜歡呢度？唔係因為呢度既風景而係呢度既人。或者好小亞洲人走去呢度既關係，所以當係條街度行，四方八面既人都會望住你。但係佢地全部都好善良，只要你同佢笑，佢地一定笑到四萬咁囗咁望番你。
今日係條街又有三個十二、三歲既小女孩走過黎搭傘，出奇地我地竟然好好傾，吹左成三個鐘水，仲請我飲果汁，攪到我呢個大姐姐超級唔好意思。最後佢地呀媽打電話黎鬧點解咁夜都唔番屋企(晚上九點左右)我地先捨得停。
佢地問我幾時走，我話聽日，三位小女孩就突然變到好唔開心，係咁give me hug，其實當下好有衝動因為呢三個小朋友而留多晚。
但有時旅程就係咁，無論你有幾唔捨得都好，所遇到既人和事都不過係旅程既其中一部分。分離係每站必經之事，重要既係我地為彼此寫下一頁，再待日後回味。
要走的始終要離開，但回憶永遠在心中。
Blog：http://backpackersopoor.blogspot.hk/
U Blog: http://blog.ulifestyle.com.hk/blogger/backpackersopoor/
Search